Ukrayna Soledara nəzarət edir: Ruslar böyük itki verirlər

Ukrayna tərəfi  Soledar şəhəri barədə açıqlama yayıb.

Soledar üçün həm şəhərin özündə, həm də onun ətrafında şiddətli döyüşlər davam edir. Ukrayna ordusu vəziyyətə nəzarət edir.

Oxu24.com Ukrayna mətbuatına  istinadən  xəbər  verir   ki, bu sözləri səhər Ukrayna milli telemarafonunun efirində Donetsk Vilayət Hərbi Administrasiyasının rəhbəri Pavlo Kirilenko deyib.

"Soledar, Baxmut ən qaynar istiqamət olaraq qalır. Soledar Ukrayna hakimiyyətinin nəzarətindədir, bizim hərbçilər isə nəzarətdədir. Bununla belə, həm şəhər döyüşləri, həm də şəhərdən kənarda döyüşlər gedir. Çünki düşmən bir neçə istiqamətdə irəliləməyə çalışır". Düşmən böyük itki verir...”, -  deyə  Kirilenko bildirib.

"Onun sözlərinə görə, bu istiqamətdə cəbhə xətti atəşə tutulub, ümumilikdə Donetsk vilayətində vəziyyət çətin, lakin idarəolunandır.

"Hərbi komandanlıq vəziyyəti sabitləşdirmək üçün bütün zəruri əlavə tədbirləri görür", - Kirilenko əlavə edib.

Ukrayna mətbuatında duz mədəninin üstündə Ukrayna bayrağının əks olunduğu video yayılıb. Alman jurnalist Julian Röpke videonu təhlil edərək belə nəticəyə gəlib ki, ruslar şəhərin böyük hissəsinə nəzarət edirlər.  Ukrayna hərbçiləri bir  mədənə, qərbdə yerləşən  dəmiryoluna  və Duz qəsəbəsinə nəzarət edir.

 

Tərcümə:Miri Məcidli