Rusiyanın Ukraynaya atdığı raketlərdən biri Moldovaya düşüb.
Moldovada raketlərdən birinin qalıqlarının ölkə ərazisinə düşdüyünü rəsmən elan ediblər.
Oxu24.com xəbər verir ki, bu barədə ölkənin Daxili İşlər Nazirliyi məlumat yayıb.
"Rusiyanın Ukraynanı kütləvi atəşə tutmasından sonra sərhədçilər bu gün günorta saatlarında Larqa sərhədi (Brıçanı çayı) yaxınlığında raket qalıqlarını aşkar ediblər", - deyə məlumatda deyilir.
Moldova Daxili İşlər Nazirliyi əlavə edib ki, Ukraynanın bombalanmasından sonra raket qalıqları artıq üçüncü dəfədir ki, ölkə ərazisinə düşür.
"Əvvəlki hallarda olduğu kimi, müvafiq orqanlar tərəfindən müəyyən edilmiş qaydada bütün zəruri tədbirlər görülür", - deyə məlumatda qeyd edilir.
Tərcümə: Miri Məcidli
Oxu24.com
ŞƏRHLƏR