İran İsrail agentlərini həbs edib  - İDDİA

İran xarici agentlərə qarşı əməliyyat keçirib.

 

Oxu24.com xəbər  verir   ki, İranın İnformasiya Nazirliyindən verilən məlumata görə, İran kəşfiyyat orqanları İsrailin xarici kəşfiyyat agentliyi Mossad-da işlədiyi iddia edilən iki qrupu saxlayıb.

“Mossad casus təşkilatının dörd əməliyyat qrupunun saxlanması elan edildikdən sonra biz saxlanılan qrupların sayının 6-ya yüksəldiyini bildiririk”, -  deyə  nazirlik bildirib.

 

Bildirilir ki, ümumilikdə 23 agent müəyyən edilib, onların Tehran, İsfahan, Yəzd, Qərbi Azərbaycan və Gülüstan əyalətlərində çalışdıqları iddia edilir.

 

“Mossad son iğtişaşlardan istifadə edərək, bir İranlı hərbçini məhv etmək, ölkənin böyük şəhərlərində bir sıra təxribat əməliyyatları keçirmək və cənub dəniz sərhədlərindən içəriyə böyük miqdarda partlayıcı ötürmək niyyətində idi”, -  deyə  departament əlavə edib.

 

Tərcümə: Nigar