ABŞ Ukraynanı silahandırmağa davam edir.
Birləşmiş Ştatlar Rusiyanın gözlənilən hücumuna hazırlıq məqsədilə Ukraynaya Stryker zirehli döyüş maşınlarını göndərməyi düşünür.
Oxu24.com xəbər verir ki, bu barədə “Politico” öz mənbələrinə istinadən məlumat yayıb.
Nəşrin məlumatına görə, ABŞ administrasiyası gələn həftənin sonunda yeni yardım paketini elan edə bilər.
Yekun qərar hələ verilmədiyi üçün Stryker zirehli maşınlarının bu paketə daxil olub-olmayacağı hələ məlum deyil.
Eyni zamanda qəzetin həmsöhbətləri vurğulayıblar ki, rəhbərlik bu zirehli transportyorları növbəti paketlə göndərə bilər.
Yanvarın əvvəlində ABŞ-ın Ukraynaya 50 Bradley döyüş maşını tədarük etmək niyyəti məlum olub. Müqayisə üçün qeyd edək ki, Stryker zirehli maşınları döyüşdə o qədər də effektiv deyil, lakin bəzi digər üstünlüklərə malikdir.
Politico qeyd edir ki, Stryker Bradley-dən daha sakit hərəkət edir və həmçinin daha çox əsgər daşıya bilir.
Tərcümə: Miri Məcidli
Oxu24.com
ŞƏRHLƏR