İran dronlarını idarə edən rusların adı açıqlandı

Ukraynada İranın Şahed kamikadze pilotsuz təyyarələrinə nəzarət edən Rusiya hərbçilərinin adları açıqlanıb.

 

Oxu24.com Ukrayna mətbuatına istinadən  xəbər  verir  ki, Ukraynalı jurnalistlərin araşdırması göstərir ki, ötən ilin yayında Rusiya Müdafiə Nazirliyinin Kolomna şəhərində yerləşən Rusiya Dövlət Pilotsuz Aviasiya Mərkəzinin hərbçiləri İranın paytaxtında “ordu yarışları” adı altında Şahed dronlarını idarə etməyi öyrəniblər.

 

 Müstəntiqlər onlardan dördünü müəyyən ediblər: onların məlumatına görə, onlar Rusiya Hərbi Hava Qüvvələrinin kapitanı Andrey Stepovoy, Rusiya Hərbi Hava Qüvvələrinin leytenantı Yevgeni Qluxov və hərbçilər Sergey Sozinov və Qleb Pivkindir. Daha sonra onların hamısı Kolomnaya qayıdaraq, qoşunlara göndərilməzdən əvvəl pilotsuz təyyarə operatorlarını özləri hazırlamağa başlayıblar.

İstintaq həmçinin qeyd edir ki, Kaşandakı “ordu yarışması”nın vaxtı (ötən ilin avqustu) İran pilotsuz təyyarələrinin ilk partiyasının Rusiyaya çatdırıldığı tarixə təsadüf edib.

Tərcümə: Miri Məcidli