İsrailin baş naziri Benyamin Netanyahu ötən gecə Ukrayna prezidenti Vladimir Zelenskiyə zəng edib.

Oxu24.com-un  xarici mediaya istinadən  məlumatına görə, Netanyahu Ukrayna prezidentindən xahiş edib ki, rəsmi Kiyev BMT-də Fələstinin Haaqa Beynəlxalq Məhkəməsindən “davam edən İsrail işğalının hüquqi əhəmiyyəti” ilə bağlı rəy istəməsi təşəbbüsünün əleyhinə səs versin.

Söhbət zamanı Zelenski qarşılıqlı jest olaraq İsrailin Ukraynaya silah tədarükü məsələsində siyasətinin  dəyişməsini  xahiş edib. Netanyahu gələcəkdə bu söhbətə qayıtmağa hazır olduğunu vəd edərək, məsələ ilə bağlı heç nə deməyib.

Zelenski  Ukraynanın Fələstinin təşəbbüsünün əleyhinə səs verəcəyinə və ya bitərəf qalacağına söz vermədiyini bildirib.

Yekunda Kiyev təmsilçisi səsvermədə ümumiyyətlə iştirak etməyib.

İsrailli jurnalistlər hər iki siyasətçini söhbətdən tam razı qalmadığını  düşünür.

Tərcümə:Nigar Oktayqızı