Putin nədən qorxur? - Mətbuata sensassion informasiya sızdı

Putinin səfərinin ləğvi səbəbi rəsmən açıqlanıb.

Oxu24.com xəbər  verir  ki, Rusiya prezidenti Vladimir Putinin mətbuat katibi Dmitri Peskov bildirib ki, “hava şəraiti” səbəbindən Pskov vilayətindəki “Titan-Polymer” zavoduna əvvəlcədən planlaşdırılan səfərini ləğv edib.

Səfər bir gün əvvəl elan edilib və bunun Putin üçün 2022-ci ildə sonuncu səfər olacağı qeyd edilib.

Bu, Putinin bir həftə ərzində ləğv etdiyi ikinci səfəridir. Çərşənbə günü, dekabrın 21-də Rusiya Federasiyasının Prezidenti 2019-cu ildən bəri ilk dəfə Urala uçmalı və Nijni Tagildəki ən böyük Uralvaqonzavod (UVZ) tank zavodunu ziyarət etməli idi. Lakin son anda Putin planlarını dəyişərək dekabrın 23-də Tulaya gəlib. Orada o, hərbi-sənaye kompleksi ilə bağlı təşkilatların rəhbərləri ilə görüş keçirib. Bu barədə The Moscow Times yazır.

Həmçinin, nəşrin mənbələrinə görə, Putin son anda illik böyük mətbuat konfransından imtina edib. Çünki təhlükəsizlik qüvvələri konfrans zamanı Ukrayna pilotsuz təyyarələrinin zərbələrinin olmayacağına zəmanət verməyib.

 

Tərcümə: Nigar Oktayqızı