Putini kim öldürmək istəyir? - Lavrovdan sensassion açıqlama

Rusiya rəsmən olaraq Putinin qətl planının hazırlanması  xəbərlərinə reaksiya verib.

Pentaqonun “adsız məmurlar”ın Kremlə “başı kəsmə zərbəsi” vurması ilə bağlı açıqlamaları  əslində Rusiya dövlətinin başçısının fiziki olaraq məhv edilməsi təhlükəsindən xəbər  verir.

Oxu24.com  xəbər  verir   ki, bunu TASS-a müsahibəsində Rusiyanın xarici işlər naziri Sergey Lavrov deyib.

“Vaşinqton ən uzağa getdi: orada Pentaqonun bəzi “adı açıqlanmayan rəsmiləri” əslində Kremlə “başı kəsiləcək zərbə” vurmaqla hədələdilər. Söhbət Rusiya dövlətinin başçısının fiziki olaraq məhv edilməsi təhlükəsindən gedir. Əgər bu cür ideyalar həqiqətən kiminsə ağlına gəlirsə, bu şəxs belə planların mümkün nəticələri barədə çox diqqətlə düşünməlidir”, - Lavrov bildirib.

Bundan əlavə, Rusiya Xarici İşlər Nazirliyinin rəhbəri nüvə sahəsində Qərbdən gələn qarşıdurma siqnallarını xatırladıb.

“Görünür, onlar hər hansı ədəb-ərkandan tamamilə imtina ediblər. Xüsusilə, seçkiqabağı debatlar zamanı heç bir şübhə doğurmadan nüvə zərbəsi əmrinə tam hazır olduğunu bəyan edən bədnam Liz Truss (Böyük Britaniyanın keçmiş baş naziri) açıq şəkildə qeyd olunub”, - nazir qeyd edib.

“ Ukrayna prezidenti Vladimir Zelenski NATO ölkələrindən Rusiyaya qarşı qabaqlayıcı nüvə zərbələri vurmağı tələb edir. Bu da məqbul olan hüdudları aşır. Lakin biz rejim liderlərindən belə şeylər eşitməmişik”, - Lavrov əlavə edib.

 

 

Tərcümə: Nigar