Moldova hakimiyyəti Telegram və TikTok-a girişi məhdudlaşdırmaq qərarına gəlib. Onlar həmçinin sosial şəbəkələrdəki mesajlara nəzarət etməyi planlaşdırırlar.

Oxu24.com  xəbər  verir  ki,  bu  barədə   “Evdə Avropanın qurulması” partiyasının sözçüsü Georgi Kavkalyuk bildirib.

Bazar ertəsi, dekabrın 19-da Respublika Ali Təhlükəsizlik Şurasının kibertəhlükəsizliklə bağlı iclası keçirilib. İnformasiya və Təhlükəsizlik Xidmətinin rəhbəri Aleksandru Musteata bildirib ki, hakimiyyət orqanları dezinformasiyanın yayıldığı iddia edilən Telegram kanallarına nəzarət edə bilmir.

Kavkalyukun sözlərinə görə, Kişinyov xüsusi işçi qrupu yaratmaq istəyir. O, Moldovada bir neçə növ kommunikasiya tətbiqinin qadağan olunmasını tətbiq etmək  üçün beynəlxalq təcrübəni, xüsusən də BƏƏ və Çin kimi ölkələrin təcrübəsini öyrənəcək.

“Birinci hədəf Telegram, ardınca isə TikTok,” Kavkalyuk vurğulayıb.

O, şübhə etmir ki, hakimiyyət tətbiqlərdəki mesajları ələ keçirmək və ölkədə senzura tətbiq etmək üçün proqram təminatı almaq niyyətindədir.

Tərcümə: Aynurə Məcidova