ABŞ hərbiyə rekord sayda pul ayırdı

ABŞ  Senatı    858 milyard dollarlıq  hərbi büdcəni təsdiqləyib.

 

Oxu24.com xəbər verir  ki, Reuters agentliyinin məlumatına görə, bu məbləğin ən azı 800 milyon dolları Ukraynaya hərbi yardıma xərclənəcək.

Sənəd böyük səs çoxluğu ilə qəbul edilib: 83 senator lehinə, yalnız 11 senator əleyhinə səs verib. Büdcə əvvəllər Nümayəndələr Palatası tərəfindən təsdiq edilib. Baydenin tezliklə onu imzalayacağı gözlənilir.

2023-cü ilin hərbi büdcəsinə hərbi qulluqçuların maaşlarının artırılması, yeni silahların, o cümlədən gəmilərin və F-35 qırıcılarının alınması, həmçinin hipersəs silahlarının hazırlanması üçün əlavə vəsaitlərin ayrılması daxildir.

Bundan əlavə, NDAA Rusiya işğalına qarşı mübarizədə Tayvan və Ukraynaya dəstək üçün vəsait ayırmağı planlaşdırır. Xüsusilə, ABŞ Kiyevin sərəncamında olan texnika ehtiyatlarını artırmağı və müharibənin davam etdirilməsi üçün vacib olan sursatları tədarük etməyi planlaşdırır.

Kreml bundan əvvəl ABŞ-ın hərbi büdcə layihəsinin Rusiyaya münasibətdə “görünməmiş qarşıdurma” olduğunu bildirib.

ABŞ-ın əvvəlki hərbi büdcəsi 740 milyard dollar idi.

 

Tərcümə: Miri Məcidli