İranda inqilab qalib gəlsə NƏ BAŞ VERƏCƏK? - Yaxın 2 həftə ərzində ...

"İranda Suriya olaylarının təkrarlanması ən çox gözlənilən ssenarilərdən biridir".

Bunu  Azərbaycan Hərbi Hava Qüvvələrinin pilotu, hərbi ekspert Aqil Rüstəmzadə bildirib.O qeyd edib ki, molla-fars rejiminin ələyi ələnib, xəlbiri göydə fırlanır:

"İran hökumətinin ölkənin böyük parçası üzərində kontrolu itirəcəyi halda Azərbaycan və Türkiyə böyük ehtimalla etnik azərbaycanlıların yaşadığı Güney Azərbaycan ərazisində terror və humanitar fəlakət ocağının yaranmasına yol verməzlər. 

Biz orada əhalinin həlak olmasını, humanitar fəlakət və o bölgələrin "boz bölgələrə" çevrilməsi risklərini önləməliyik.

 

Xəritədə həmin ərazilər qırmızı rəngdə göstərilib

Artıq İranda etirazlar qarşıdurma mərhələsinə keçib, İranın qərbində və digər ərazilərdə bu qarşıdurma silahlı mübarizə şəklini alıb. Hakimiyyət bu ərazilərə SEPAH-ın quru bölmələrini göndərib. Elitada hökm sürən əhval-ruhiyyə ilə bağlı məlumatlar ehtimal ssenariləri səsləndirmək üçün yetərli deyil.

Lakin hazırda İranın sabitliyi pozan ən dərin daxili böhrana girdiyi aydındır. İrandakı molla-fars rejimi etirazları qan içində boğur. Bu da vəziyyəti sabitləşdirə, əvvəlki halına qaytara bilməyəcək.

Etirazçıların əsas tələblərindən biri də milli hökümətdir. Xatırladıram ki, İran əhalisi əsasən 4 etnik qrupdan - farslar, azərbaycanlılar, kürdlər, ərəblərdən formalaşır.

Əgər inqilab qalib gəlsə, o zaman böyük ehtimalla İran xalqlar arasında parçalanacaq. İndi yalnız bir şeyi proqnozlaşdırmaq olar, rejim yaxın 1-2 həftə ərzində sabit qalacaq".