Çin 2028-ci ilə qədər Ayda robot baza quracaq və ilk sakinlər 2030-cu ilə qədər Ayda olacaq.
Oxu24.com CCTV-yə istinadən xəbər verir ki, bu barədə Pekində Çinin Ay proqramının baş dizayneri Vu Veyran bildirib.
Vu Veyran bildirib ki, Ay bazası nüvə enerjisi ilə işləyəcək, ona görə də onun üzərində kiçik atom elektrik stansiyası tikiləcək. Nüvə enerjisi Ay stansiyasının yüksək enerjiyə olan uzunmüddətli ehtiyaclarını ödəyə bilər.
Çin Ay proqramını Rusiya ilə əməkdaşlıq çərçivəsində həyata keçirmək niyyətindədir. 2021-ci ildə müvafiq memorandum imzalanıb və indi ölkələr kosmosda yeni beşillik əməkdaşlıq proqramı hazırlayır.
NASA rəhbəri Bill Nelson Pekinin Aya "iddia edə" və digər ölkələrin onu tədqiq etməsinə mane ola biləcəyi təhlükəsi barədə xəbərdarlıq edib.
Tərcümə: Nigar Oktayqızı
Oxu24.com
ŞƏRHLƏR