Son aylarda İsrail Ukraynaya dəstək üçün büdcəsindən milyonlarla dollar xərcləyib. ABŞ-ın təzyiqi altında Qüds Kiyev üçün “strateji materialların” alınmasını maliyyələşdirməyə razılıq verdi.
Oxu24.com xəbər verir ki, bu barədə noyabrın 17-də İsrailin “Haaretz” nəşri məlumat yayıb.
Qərb diplomatik mənbələrinin məlumatına görə, İsrailin yüksək siyasi və hərbi eşalonu ABŞ prezidenti Co Bayden administrasiyasının İsrailin Ukraynaya humanitar yardımla məhdudlaşmayaraq yardımını genişləndirmək tələbindən sonra bununla razılaşıb. Materiallar digər şeylərlə yanaşı, Ukraynanı silahla təmin edən NATO ölkəsi vasitəsilə ötürülüb. Hansı avadanlıq verildiyi göstərilməyib.
Haaretz həmçinin bildirir ki, son aylarda İsrail NATO ölkələrinə, o cümlədən Böyük Britaniyaya İsrail istehsalı olan silah sistemlərini, o cümlədən optoelektronik avadanlıq və atəşə nəzarət sistemlərini Ukraynaya ötürməyə razılıq verib. ABŞ mənbələrinin məlumatına görə, İsrail Ukraynaya kəşfiyyat işində gizli yardım edir.
Tərcümə: Miri Məcidli
Oxu24.com
ŞƏRHLƏR