İran ölkəmizdə günahsız insanların QATİLİDİR - Ukraynalı ekspert

"Ukraynanın xarici işlər naziri Dmitri Kuleba bildirib ki, Ukrayna İranla bəzi münasibətləri sonlandırmalı olacaq".

Bunu OXU24.COM -a açıqlamasında Kiyev Dünya Siyasət İnstitutunun dosenti, politoloq Yevqeni Maqda deyib.

 

O bildirib ki, İran Ukraynada məsum insanların ölümünə görə günahkardır:

 

"Ukraynanın İranla diplomatik münasimətlərə yenidən göz gəzdirməsi və bu istiqamətdə lazımı qərarlar verməsi səhv qərar olmaz. Çünki İranın Rusiya Federasiyasına kamikadze dronları tədarük etməsi faktını nəzərə alsaq, bu, tamamilə məntiqlidir.

Kiyevin beynəlxalq təşkilatlardan Rusiyaya həmin dronları satan İranın terrorizmi himayə edən dövlət kimi tanımasını tələb edəcəyini və bu məsələdə qətiyyət göstərəcəyinə inanıram, amma bu, belə tezliklə baş verməyəcək. 

Gəlin, Ukraynanın qlobal səviyyədə müvafiq təzyiq göstərməklə bağlı istəyinə hansı böyük qüvvələrin dəstək verəcəyini məsələsinə nəzər yetirək: ABŞ bu məsələdə Kiyevi dəstəkləmiş olsa da, Avropa İttifaqı ölkələrindən eyni addımı gözləyə bilmərik. 

Öz mövqeyimizi qorumaq üçün əlimizdən gələni etsək də İran, Rusiya və Belarus indi özlərini süddən çıxmış ağ qaşıq kimi göstərməyə davam edəcəklər".