Rusiya Prezidenti Vladimir Putinin Kremldən Valdaydakı villasına getdiyinə dair təsdiq olunmuş məlumat yoxdur.

Metbuat.az xəbər verir ki, bu barədə Rusiya mediası məlumat yayıb. Bildirilir ki, Putinin proqramında da belə ziyarət yer almayıb. Yerli KİV-lər yazır ki, belə gərgin vaxtda Putinin harasa gedəcəyi inandırıcı deyil.
 

Qeyd edək ki, müxalif jurnalist Farida Rusamova Putinin hökumətə qarşı aksiyalardan çəkinərək Valday gölü sahilindəki lüks və gizli villasına getdiyini irəli sürmüşdü. Jurnalist bu məlumatı 3 fərqli mənbədən aldığını bildirib.

Rusiyada qismən səfərbərlik elan ediləndən sonra aksiyalar başlayıb. Nümayişçilər Putinin qərarına qarşı çıxır.