“Ukraynalılar Rusiyanın işğalını dayandırmaqla təkcə özləri üçün deyil, həm də Avropa üçün buna mane olurlar”.

Bunu Ukrayna Prezidentin xanımı Yelena Zelenskaya İtaliyanın “Corriere della Sera” nəşri jurnalistlərinin suallarını cavablandırarkən vurğulayıb.

“Bizim bəzilərimiz özümüzü pasifist adlandıraraq hesab edirik ki, silah tədarükü müharibəni uzatmaq deməkdir. Onlara nə deyərdiniz?” sualına Zelenska cavab verib: “Silahlı qatil üzərinizə gələndə pasifist olmaq, həyatınızdakı son qərardır”, – prezidentin xanımı vurğulayıb.

“Təsəvvür edin ki, rus işğalçıları sizin ölkənizi, sehrli Milanı və ya Neapolu işğal ediblər. Onlar Romanın kənarlarını işğal ediblər, şəhərətrafı qəsəbələrin sakinlərini öldürürlər. Onların raketləri hər gün Bolonyadakı yaşayış binalarına uçur. Sonra nəfəsləri kəsilən uşaqları oradan çıxarırlar. Və bu zaman kimsə deyir: “Silahlarınızı yerə qoyun, müqavimət göstərməyin!” İndicə valideynlərinizi bomba ilə öldürən və ya uşaqlarınızın məktəbini bombalayan biri ilə danışmağa çalışın”, – deyə prezidentin xanımı bildirib.

Xatırladaq ki, fevralın 24-dən etibarən Rusiyanın Ukraynaya genişmiqyaslı hərbi təcavüzü davam edir.