Çinin Quanqdonq əyalətində sel fəlakəti zamanı avtomobilində köməksiz qalan qadın polis qrupunun uzun sürən səyləri nəticəsində xilas edilib.

OXU24.COM oxu.az-a istinadən xəbər verir ki, əyalətin Yingde şəhərində sürətlə axan sel suları altında avtomobilində qalan qadın polisdən kömək istəyib. Zəngi alan polis sel sularında sürüklənmə təhlükəsi ilə üzləşən qadını xilas etmək üçün hərəkətə keçib.

Əraziyə gələn qrup qadına ipin köməyi ilə dəfələrlə çatmağa çalışsa da, sürətlə axan su səbəbindən buna nail ola bilməyib. Yenə də ipin köməyi ilə irəliləyən polis uzun səylər nəticəsində qadını xilas edə bilib.