Rusiya əsgərləri 17 yaşlı qızın gözləri qarşısında anası və bacısını zorlayaraq ölümcül döyüblər...

İrpen şəhərinin işğalı zamanı rusiyalı hərbçilər 17 yaşlı qızın gözləri qarşısında onun anası və bacısını zorlayıb və ölümcül döyüblər. Hər iki qadın aldığı xəsarətlərdən dünyasını dəyişib.
 

OXU24.COM xəbər verir ki, bu barədə aprelin 22- də Ukrayna ombudsmanı Lüdmila Denisova məlumat verib.
 
Qız daha dörd gün onların cəsədləri olan evdə qalıb, sonra Ukrayna ordusu şəhəri azad edib.
 
İrpen azad edildikdən sonra qız insan haqları üzrə müvəkkilin xüsusi rabitə xətti ilə psixoloji yardım üçün müraciət edib. Zərərşəkən öz tarixçəsi barədə mətbuatda dərc olunmasına razılıq verib.
 
Qızın sözlərinə görə, üç rusiyalı əsgər xüsisi qəddarlıqla anasını və 15 yaşlı bacısını döyüb və zorlayıb. Qızın özünə isə toxunmayıblar, onun eybəcər olduğunu deyib, doğmalarının öldürülməsinə tamaşa etməyə vadar ediblər.
 
Rusiyalı hərbçilər deyib ki, "yaşa və başqalarına çatdır".
 
Rusiya hərbçilərinin vəhşiliklərinin qurbanlarına psixoloji yardım göstərilməsi üçün ombudsmanın xüsusi rabitə xətti aprelin əvvəlindən fəaliyyətə başlayıb. Bu müddət ərzində 400- dən çox adam müraciət edib. Müraciətlərin çoxu seksual zorakılıqla bağlıdır, - Lüdmila Denisova məlumat verib.