"Rusiya lideri Putin illər əvvəl 5 Avropa ölkəsini siyahıya əlavə edib. Onların işğal təhlükəsi var".

OXU24.COM  Qərb mediasına istinadən xəbər verir ki, Almaniya mətbuatı Rusiya lideri Vladimir Putinlə bağlı diqqətçəkən xəbər yayıb.
 
2014-cü ildə Ukraynanın Aİ-yə üzv olmaq istədiyini elan etdikdən sonra qəzetlər Putinin bağlı qapılar arxasında Polşa və Rumıniya ilə yanaşı Baltikyanı Estoniya, Latviya və Litvanı da işğal etməklə hədələdiyini, Rusiya liderinin bu ölkələri işğal edə biləcəyini iddia etdiyini yazıb.

Alman mətbuatında yer alan xəbərdə Ukraynanın 2014-cü ildə Aİ-yə üzv olmaq istədiyini açıqlamasından sonra Putinin həmin ilin sentyabrında bağlı qapılar arxasında keçirilən görüşlərdə 5 ölkəni işğal edəcəyi ilə hədələdiyi bildirilib.

Almaniyanın ən çox oxunan qəzetlərindən biri olan "Suddeutsche Zeitung” qəzetindəki xəbərdə Putin Ukraynanın o zamankı prezidenti Pyotr Poroşenkoya "Mən istəsəm, rus ordusu təkcə Kiyevi deyil, Riqa, Vilnüs, Tallin, Varşavanı da fəth edəcək”, deyə bildirib.

Latviya diplomatı və Avropa Komissiyasının vitse-prezidenti Valdis Dombrovkis də bu ayın əvvəlində Politico-ya danışaraq Putinin hücumlarının genişlənə biləcəyinə işarə edib. Mətbuat katibinin sözlərinə görə bu müharibə daha da genişlənə bilər:

"Putin Ukraynadan qələbə ilə ayrılsa, hərbi hədəflərini artırıb Baltikyanı ölkələr Litva, Latviya və Estoniyaya hücum edə bilər. Ukraynanı dəstəkləməsək, Ukraynada bu müharibə dayanmayacaq”.