İspaniyada nə baş verir?

İspaniya Bərabərlik Nazirliyinin İrqi və Etnik Ayrı-seçkiliyin Aradan Qaldırılması Şurasının (CEDRE) illik hesabatına görə, İspaniyada Latın Amerikası əsilli insanlar, qaraçılar və ərəblər ən çox irqi və ya etnik ayrı-seçkiliklə üzləşirlər.

Oxu24.com xəbər verir ki,hesabata görə, 2025-ci ildə ölkədə 2811 irqi və ya etnik ayrı-seçkilik hadisəsi qeydə alınıb.

Müqayisə üçün, 2022-ci ildə 1570, 2023-cü ildə 2582 və 2024-cü ildə 2913 belə hal qeydə alınıb.

Hesabatda qeyd olunur ki, ayrı-seçkilik ən çox məşğulluq, mal və xidmətlərə çıxış, mənzil, səhiyyə, təhsil, eləcə də media və internetdə baş verir.

İspaniyada 4,2 milyondan çox olan Latın Amerikası əsilli insanlar ayrı-seçkiliyə ən çox məruz qalan qrup kimi müəyyən edilib.

Növbəti yerlərdə təxminən 1 milyon nəfərlik qaraçılar və təxminən 2,5 milyon nəfərlik ərəblər gəlir.

CEDRE-nin məlumatına görə, 2025-ci ildə qeydə alınan halların 43%-i 26-45 yaş arası qurbanlar olub. Ayrı-seçkilik qurbanlarının demək olar ki, yarısı qadınlar olub.

Keçən il ən çox belə hal Madrid, Əndəlüs, Kastiliya və Leon muxtar icmalarında qeydə alınıb.

Hesabat müəllifləri həmçinin qeyd ediblər ki, ayrı-seçkilik hallarının böyük əksəriyyəti rəsmi orqanlara bildirilmir. Sənəddə vurğulanır ki, bu vəziyyət nifrət cinayətlərinin artmasına səbəb olur.

İrqçi hücumdan sonra beş nəfər həbs edilib

Son səs-küylü hadisə 27 sentyabrda İspaniyanın şərqindəki Valensiya əyalətinin Tavernes de la Valldigna şəhərində baş verib.

Bir qrup gənc iki kişiyə - biri seneqallı, digəri isə mərakeş əsilli kişiyə hücum edib.

Sosial mediada yayılan görüntüləri ilə 31 yaşlı mərakeşliyə edilən hücum xüsusilə geniş ictimai etiraza səbəb olub.

Hadisə ilə əlaqədar olaraq ikisi yetkinlik yaşına çatmayan beş kişi həbs edilib.

Ağır yaralanan və qısa müddətə xəstəxanaya yerləşdirilən Məhəmməd S. adlı Mərakeş vətəndaşı İspaniya mediasına hücumdan sonra çölə çıxmaqdan və ya tək qalmaqdan qorxduğunu bildirib.

"Düşündüm ki, məni öldürəcəklər. İşimi itirməkdən qorxuram. Ümid edirəm ki, bu, yaşayış və iş icazəsi üçün müraciətimə təsir etməz", - deyə o bildirib.

Jalə

Həmçinin oxuyun

Ermənistana keçən hərbçimizin kimliyi MƏLUM OLDU

Azərbaycanlı hərbçi Ermənistan ərazisinə keçib? 

DİN-in  Baş İdarəsi əməliyyat keçirib:Tutulan şəxslərin şok əməlləri üzə çıxdı (FOTO+VİDEO)

Mandatını itirən deputatla bağlı maraqlı FAKTLAR:GÖZƏTÇİ İŞLƏYİBMİŞ...