Moskvaya hücum: Ölənlər var

DÜNYA

1549

20.09.2026, 10:31

Xəbərlərimizi Google-da izləyin

Yeniliklərdən dərhal xəbərdar olun

Abunə ol

Moskva Ukrayna müharibəsi başlayandan bəri ən böyük PUA hücumuna məruz qalıb.

Oxu24.com xəbər verir ki, mer Sergey Sobyaninin sözlərinə görə, Rusiya hava hücumundan müdafiə qüvvələri şənbə günündən bəri 1600-dən çox Ukrayna dronunu vurub. O, dronların 450-sinin paytaxta yaxınlaşarkən vurulduğunu söyləyib.

Bir neçə dron Kapotnyadakı Moskva Neft Emalı Zavoduna çatıb. Şahidlərin sözlərinə görə, hücumdan sonra neft emalı zavodunda yanğın baş verib. Sobyanin dronların neft emalı zavodunun ərazisinə çatdığını təsdiqləyib.

Daha bir dronun Moskvada yaşayış binasına dəydiyi bildirilib. Rusiya paytaxtında Ukraynanın dron hücumu nəticəsində itki olmayıb.

Ən ağır nəticələr Moskva vilayətində qeydə alınıb. Qubernator Andrey Vorobyovun sözlərinə görə, təkcə səhər saat 3:00-dan 5:00-dək hava hücumundan müdafiə qüvvələri və elektron müharibə sistemləri vilayətin 17 şəhərində 249 dronu vurub. Hücumlar nəticəsində iki nəfər ölüb, altı nəfər yaralanıb. Yaralananlardan ikisinin uşaq olduğu bildirilib.

Ramenskoye rayonunda, Severnoye şossesindəki 21 mərtəbəli yaşayış binasının damı dron hücumundan sonra alovlanıb. Binadan 70 uşaq da daxil olmaqla 400 nəfər təxliyə edilib. İyirmi avtomobilə ziyan dəyib.

Sofyino şəhərinin Novaya küçəsində üçmərtəbəli yaşayış binasına dron zərbəsi endirilib. Üçüncü mərtəbədəki altı mənzilə ziyan dəyib. 44 yaşlı qadın həlak olub. İki uşaq da daxil olmaqla daha beş nəfər yaralanıb. Uşaqlar xəstəxanaya yerləşdirilib.

Orexovo-Zuyevski şəhərində PUA hücumu nəticəsində yaşlı kişi ölüb.

Moskva vilayətində dron hücumu nəticəsində 20 nəfərin yaralandığı bildirilib.

Ukraynanın dron hücumunun hədəflərindən birinin Moskva vilayətinin əhəmiyyətli bir hissəsini elektrik enerjisi ilə təmin edən 22 nömrəli İstilik Elektrik Stansiyası olduğu bildirilib.

Sosial şəbəkələrdə yayılmış görüntülərdə Moskvadan təxminən 20 km məsafədə Ukraynanın FP-5 “Flamingo” dronunun qalıqlarının aşkar edildiyi bildirilib.

Kütləvi dron hücumu ilə əlaqədar Moskvanın bütün aeroportlarında uçuşlara məhdudiyyətlər qoyulub.

Rusiya rəsmiləri Ukraynanın Moskvaya kütləvi dron hücumunun məqsədinin Dövlət Dumasına keçirilən seçkiləri pozmaq olduğunu açıqlayıb. Bildirilib ki, dron hücumlarına baxmayaraq, seçki məntəqələri vaxtında açılıb. Rusiya MSK məntəqələrin bağlanmasına 12 saat qalmış Moskvada seçici fəallığının 40,2 faiz olduğunu açıqlayıb.

Sentyabrın 20-nə keçən gecə Moskva və Moskva vilayəti kütləvi pilotsuz uçuş aparatlarının (PUA) hücumuna məruz qalıb.

****

Oxu24.com-un xəbərinə görə, Moskva meri Sergey Sobyanin bildirib ki, hava hücumundan müdafiə qüvvələri Ukrayna Ordusunun Moskvaya ən kütləvi PUA hücumunu dəf edib, dünəndən etibarən bütün istiqamətlərdə 1,6 mindən çox PUA zərərsizləşdirilib.

Moskva vilayətində PUA hücumu nəticəsində iki nəfər - Orexovo-Zuyevoda yaşlı kişi və Sofyinoda bir qadın ölüb. Daha beş nəfər xəsarət alıb, onların arasında iki uşaq da var. Uşaqlar xəstəxanaya yerləşdirilib və onlara bütün zəruri tibbi yardım göstərilir. Həmçinin Leninski şəhər dairəsində bir nəfərin xəsarət aldığı məlum olub.

Moskvada Moskva Neft Emalı Zavodunun ərazisində bir obyektə ziyan dəyib. İlkin məlumatlara görə, xəsarət alan olmayıb.

Ramenskoyedə PUA-nın düşməsi nəticəsində 21 mərtəbəli binanın dam örtüyü yanıb, 400 nəfər, o cümlədən 70 uşaq təxliyə edilib. 20 avtomobilə ziyan dəyib. Dairə rəhbəri Eduard Malışev həmçinin ticarət mərkəzinə PUA düşdüyünü bildirib.

Sofyinoda hücum nəticəsində anbar kompleksinin ərazisində yanğın baş verib. Yanğının söndürülməsinə səkkiz yanğınsöndürmə briqadası cəlb olunub.

İstrada yaşayış binasına və müəssisə binasına ziyan dəyib.(Apa)

Həmçinin oxuyun