Türkiyədə 4,3 bal gücündə zəlzələ baş verib
17 Noyabr 2026, 21:38
Qaynar xətt:
(+99450) 247 90 86
DÜNYA
695
18.09.2026, 04:18
Qlobal istiləşmənin təsiri ilə Yer atmosferindəki su buxarının miqdarı rekord həddə çatıb. Mütəxəssislər bunun güclü yağışlar, tropik siklonlar və yüksək temperaturla bağlı riskləri artıra biləcəyini bildirirlər.
“Qafqazinfo” xəbər verir ki, Avropa İqlim Dəyişikliyi Xidmətinin məlumatına görə, avqust ayında atmosferdəki su buxarının miqdarı hər kvadratmetrə 27,35 kiloqrama çatıb.
Bu göstərici 2024-cü ilin iyulunda qeydə alınan əvvəlki rekordu geridə qoyub. Alimlər rekord artımın əsas səbəbləri arasında havanın temperaturunun yüksəlməsini və Sakit okeanda “El Nino” hadisəsinin təsirini göstərirlər. Daha isti hava daha çox su buxarı saxlaya bilir.
Atmosferdə su buxarının artması güclü yağışların və tropik siklonların yaranması üçün daha əlverişli şərait yaradır. Su buxarının kondensasiyası zamanı istilik ayrılır və bu proses fırtınalara əlavə enerji verə bilər.
Yüksək rütubət istilik dalğaları zamanı gecələr havanın kifayət qədər soyumasına da mane olur. Bu isə insanların isti havanın təsirindən gecələr belə tam qoruna bilməməsinə səbəb ola bilər.
Mütəxəssislər temperaturla atmosferdəki su buxarının bir-biri ilə sıx əlaqəli olduğunu bildirirlər. Qalıq yanacaqların yandırılması nəticəsində atmosferdə istixana qazlarının artması və “El Nino” kimi təbii iqlim hadisələri bu prosesi daha da gücləndirə bilər.
İqlim üzrə mütəxəssislərin məlumatına görə, qlobal temperaturun hər 1 dərəcə Selsi yüksəlməsi atmosferin təxminən 7 faiz daha çox su buxarı saxlamasına şərait yaradır.
Texas A&M Universitetinin iqlim alimi Endryu Dessler bildirib ki, son minilliklərdə, hətta son yüz minilliklərdə avqust ayından daha çox atmosfer su buxarının olduğu bir ayın qeydə alınması ehtimalı olduqca aşağıdır.
Rekord göstəricinin əsas səbəblərindən birinin atmosferdə karbon qazı və metan kimi istixana qazlarının artması olduğu vurğulanır.
00:38 / 18 Noyabr 2026
81
23:54 / 17 Noyabr 2026
112
23:36 / 17 Noyabr 2026
122
23:10 / 17 Noyabr 2026
115
23:03 / 17 Noyabr 2026
218
22:45 / 17 Noyabr 2026
121
22:22 / 17 Noyabr 2026
117
22:08 / 17 Noyabr 2026
266
21:51 / 17 Noyabr 2026
124
21:38 / 17 Noyabr 2026
130
21:20 / 17 Noyabr 2026
126
21:11 / 17 Noyabr 2026
128
20:45 / 17 Noyabr 2026
130
20:39 / 17 Noyabr 2026
153
20:23 / 17 Noyabr 2026
133
20:12 / 17 Noyabr 2026
155
19:59 / 17 Noyabr 2026
147
19:51 / 17 Noyabr 2026
149
19:40 / 17 Noyabr 2026
254
19:39 / 17 Noyabr 2026
141
19:28 / 17 Noyabr 2026
1077
19:21 / 17 Noyabr 2026
140
19:14 / 17 Noyabr 2026
145
© 2026 Oxu24.com Müəllif hüquqları qorunur.