İsrail Rusiya əleyhinə səs vermədi

İsrail münaqişənin sülh yolu ilə həlli üçün ABŞ-ın diplomatik səylərini dəstəkləməsinin zəruriliyini əsas gətirərək BMT Baş Assambleyasının Ukrayna ilə bağlı Rusiya əleyhinə qəbul etdiyi qətnamənin əleyhinə səs verib.

Oxu24.com xəbər verir  ki,bu barədə RİA Novosti-yə İsrail Xarici İşlər Nazirliyinin nümayəndəsi bildirib.

 

“İsrail Amerikanın müharibənin dayandırılmasında və münaqişənin sülh yolu ilə həllində irəliləyiş əldə edilməsinə yönəlmiş səylərini dəstəkləməyi vacib hesab edir”, - diplomat sənədin təsdiqindən imtinanın səbəbləri ilə bağlı sualı cavablandırıb.

 

Fevralın 24-də BMT Baş Assambleyası Ukrayna ilə bağlı iki qətnaməyə səs verib: Ukrayna-Avropa və Amerika. Hər ikisi qəbul edilib.

Beynəlxalq təşkilatın Təhlükəsizlik Şurası da Amerika qətnaməsinə baxıb. Sənəd ilkin variantında qəbul edilib, Təhlükəsizlik Şurası həm Avropa ölkələrinin anti-Rusiya düzəlişlərini, həm də münaqişənin səbəblərinin qiymətləndirilməsinə aydınlıq gətirmək məqsədi daşıyan Rusiyanın təkliflərini rədd edib.

Amerikanın “Axios” portalının müxbiri Barak Ravid onun ABŞ-ın Ukraynaya dair təklif etdiyi neytral qətnamənin həmmüəlliflərindən biri kimi adını çəkib. Jurnalistin sözlərinə görə, sənədin həmmüəllifləri İsrail, Macarıstan, Gürcüstan və Şimali Makedoniya olub.

Bundan əvvəl Rusiya Xarici İşlər Nazirliyi BMT-nin Ukrayna ilə bağlı qəbul etdiyi qətnaməni şərh edib.

 

Nigar