ABŞ Ukraynanın NATO-ya daxil olmasını Ukraynanın təhlükəsizliyinin təminatı kimi görür

ABŞ Rusiya bu sənədin şərtlərini pozarsa, Ukraynadakı münaqişənin həlli üçün sülh sazişinə ölkənin avtomatik olaraq NATO üzvlüyünə verilməsi haqqında bəndin daxil edilməsi imkanını nəzərdən keçirir.

 

Oxu24.com xəbər verir  ki, bu barədə Amerika rəsmilərinə istinadən NBC telekanalı məlumat yayıb.

 

Məqalədə deyilir: “ABŞ-ın sülh sazişinin bir hissəsi kimi nəzərdən keçirdiyi təhlükəsizlik zəmanətlərindən biri, Rusiya müqaviləni pozarsa, Ukraynaya avtomatik olaraq NATO üzvlüyünü verməkdir”.

 

Bir gün əvvəl Ukrayna prezidenti Vladimir Zelenski demişdi ki, Ukrayna nadir torpaq metalları tədarükü müqabilində ABŞ-dan təhlükəsizlik zəmanəti almalıdır. Onun sözlərinə görə, Ukrayna və Avropa münaqişənin həlli üçün danışıqlar prosesində iştirak etməlidir.

 

Rusiya prezidenti Vladimir Putin dəfələrlə Ukraynanın NATO-ya üzvlüyünün Rusiya Federasiyasının təhlükəsizliyinə təhdid yarada biləcəyi fikrini bildirib. Onun sözlərinə görə, xüsusi hərbi əməliyyatın başlanmasının səbəblərindən birinə məhz bu təhlükə çevrilib.

 

Daha əvvəl bildirilib ki, Kreml Ukraynanın Avropa İttifaqına qoşulmasının əleyhinə deyil.

 

Nigar