Moldovaya Dnestryanı problemi güc yolu ilə həll etməmək barədə xəbərdarlıq edilib

Moldova hakimiyyətinin Dnestryanı problemlərini güc yolu ilə həll etmək cəhdləri cavabsız qalmayacaq.

Bu barədə Rusiyanın Moldovadakı səfirliyi rəsmi Telegram kanalında müvafiq bəyanat dərc edərək xəbərdarlıq edib.

Diplomatik nümayəndəlik qeyd edib ki, Moldovada bəzi “qaynar başlar” Dnestryanı problemin güc yolu ilə həllinə çağırır. Bütün bunlar “məmurların razılığı ilə” baş verir.

"Biz dəfələrlə xəbərdarlıq etmişik ki, bu cür hərəkətlər cavabsız qalmayacaq", - bəyanatda vurğulanır.

2025-ci il yanvarın 1-də Rusiya qazının Ukrayna ərazisindən keçməklə Avropa ölkələrinə tranziti ilə bağlı müqavilənin müddəti başa çatıb. Eyni zamanda, Rusiya Federasiyasından bu yanacağın alternativ mənbələri olmayan Dnestryanıya qaz nəqli dayandırılıb.

Nəticədə respublika ərazisində yerləşən evlərdə mərkəzi istilik təchizatı dayandırılıb, isti suyun verilməsi dayandırılıb. Bundan əlavə, Dnestryanıda elektrik enerjisinin kəsilməsi başladı.

Bunun fonunda bir sıra keçmiş Moldovalı rəsmilər və ekspertlər enerji böhranının Dnestryanı problemin Kişinyovun xeyrinə həlli üçün fürsətə çevrilə biləcəyini irəli sürüblər. Eyni zamanda, Rusiya Xarici Kəşfiyyat Xidməti bəyan edib ki, Moldova rəhbərliyi tanınmamış respublika ərazisində hərbi əməliyyat planı hazırlayır.

Bundan əvvəl Rusiya səfirliyi Dnestryanıdakı enerji böhranına görə məsuliyyət daşıyanların adlarını açıqlamışdı.

 

Nigar