Latviya belarus və rusların məktəblərdə işləməsini qadağan etməyi təklif edib

Latviya Seymində müxalif Milli Assosiasiyanın fraksiyası Rusiya və Belarus vətəndaşlarının Latviya məktəblərində işləməsini qadağan etmək təşəbbüsü ilə çıxış edib.

 

Oxu24.com xəbər verir ki, bu barədə “Delfi” məlumat yayıb.

 

Bu fraksiyaya görə, ölkə məktəblərində 214 Rusiya və Belarus vətəndaşı çalışır. Milli Assosiasiyanın fikrincə, “Latviyada yeni nəslin işğalçı ölkənin vətəndaşları tərəfindən yetişdirilməsi və öyrədilməsi” qəbuledilməzdir.

 

Qeyd olunur ki, fraksiya parlament qərarının layihəsi hazırlayıb və bu layihə təhsil və elm naziri Anda Çakşaya Rusiya və Belarus vətəndaşlarının Latviya məktəblərində işləməsini qadağan edən düzəlişlər etməyi tapşıracaq.

 

Bundan əvvəl Rusiya Prezident yanında İnsan Hüquqları Şurasının (İHŞ) üzvü Kirill Vışinski Latviya hakimiyyətinin respublikada yaşamaq icazəsi ilə yaşayan 800-dən çox pensiyaçının Rusiya Federasiyasından deportasiyasına hazırlaşdığını bildirmişdi.

 

Əvvəllər Latviya məktəblərdə ikinci xarici dil kimi rus dilindən imtina etmək qərarına gəlib.

 

Nigar