Almaniyanın müdafiə naziri Boris Pistorius ölkə ordusunu müharibə üçün yararlı hala gətirmək üçün yenidən təşkil etmək planlarını açıqlayıb.

Oxu24.com   xəbər  verir   ki,  bu  barədə  “Politico” məlumat  yayıb.

"Məqsəd Bundesveri elə yenidən qurmaqdır ki, hətta fövqəladə vəziyyət, müdafiə, müharibə vəziyyətində belə optimal olsun",-deyə  o  bildirib.

Qeyd olunur ki, Almaniyanın yeni Silahlı Qüvvələri dörd növə - ənənəvi ordu, donanma və aviasiya, həmçinin kiber və informasiya məkanında yeni bölməyə bölünəcək.

Əməliyyat və dəstək komandaları da fəaliyyət göstərəcək.

Yeni kiber filial hibrid təhdidlərlə mübarizəyə, eləcə də elektron müharibə kimi taktiki tapşırıqlara cavabdeh olacaq.

Artıq orduya daxili təhlükəsizlik qüvvələri də daxil olacaq, hava qüvvələri isə əvvəllər Müdafiə Nazirliyi tərəfindən yerinə yetirilən bir funksiya olan təyyarələrinin vəziyyətinə nəzarət edəcək.

Məqsəd alman ordusunu daha səmərəli etmək, onu onilliklər boyu aşağı xərclərdən xilas etmək və onu gələcək Rusiya ilə  baş  tuta  biləcək  toqquşmaya   hazırlamaqdır.

Almaniya Müdafiə Nazirliyinin bəyanatında deyilir: “Rusiya Avropa sülh nizamına meydan oxuduğu üçün Almaniya və onun müttəfiqləri üçün xüsusilə təhdidedici vəziyyət yaranıb”.

Pistorius dəyişikliklərin yaxın aylarda təqdim ediləcəyini gözləyir.

Nazir həmçinin bildirib ki, icbari hərbi xidmətin bərpası məsələsinə baxılıb, lakin hələ işlənməyib.

Hazırda Almaniya Silahlı Qüvvələrində 181 min hərbi qulluqçu var və 2031-ci ilə qədər bu sayının 203 min əsgərə çatdırılması planlaşdırılır.

Miri