İranın BMT-dəki daimi nümayəndəsi Əmir Səid İrəvani bildirib ki, onun ölkəsi İordaniya-Suriya sərhədindəki ABŞ bazasına pilotsuz uçan aparatlardan endirilən zərbələrdə iştirak etmir.

Oxu24.com xəbər  verir  ki, bu barədə İRNA agentliyi məlumat yayıb.

Diplomat ABŞ-ın ittihamlarına cavab olaraq ayrıca açıqlama verməli olduğunu bildirib.

Onun sözlərinə görə, İranın son hücumlarla heç bir əlaqəsi yoxdur.

O qeyd edib ki, münaqişə ABŞ ilə regionda bir-birinə qarşı vuruşan müqavimət qrupları arasındadır.

Yanvarın 28-nə keçən gecə pilotsuz təyyarə Suriya və İordaniya sərhədində yerləşən ABŞ hərbi bazasına hücum edib.

ABŞ prezidenti Co Bayden hücumun Suriya və İraqda fəaliyyət göstərən İranın dəstəklədiyi radikal silahlı qruplar tərəfindən həyata keçirildiyini bildirib. ABŞ senatoru Lindsey Graham ABŞ-ı İrana zərbə endirməyə çağırıb.

Bundan əvvəl HƏMAS bildirib ki, Qərb özü ilə ərəb dünyası arasında “qırılmaz divar” çəkib.

Müəllif:Afət