Çin ABŞ hava limanlarında tələbələrinin dindirilməsini pisləyir

Çinin ABŞ-dakı səfirliyi çinli tələbələrin Amerika hava limanlarında əsassız sorğu-sual edildiyini bildirib.

 

Oxu24.com xəbər  verir  ki, bu barədə məlumatı RİA Novosti yayıb.

 

“Son vaxtlar Vaşinqton Dalles Beynəlxalq Hava Limanı vasitəsilə ABŞ-a daxil olan bir çox çinli tələbə sərhəddə hüquq-mühafizə orqanlarının əsassız sorğu-sualları və maneələri ilə üzləşir, bəziləri isə vizaları ləğv olunduğu üçün evlərinə qayıtmağa məcbur olurlar”, - səfirlik bildirib.

Diplomatik nümayəndəlik qeyd edib ki, sorğu-sualdan keçən bütün çinli tələbələrin bütün lazımi sənədləri özləri ilə olub və evdə tətildən sonra və ya üçüncü ölkələrə səyahət edəndən sonra ABŞ-a gedirlər.

Tələbələrin mobil cihazları götürülərək on saata yaxın saxlanılıb.

Bundan əvvəl, Bayden və Si Cinpinq arasında mümkün təmasların yazda hazırlandığı məlum olub.

Bundan əvvəl Çin və ABŞ nümayəndələri iki ölkə arasında dialoqu gücləndirməyə hazır olduqlarını bəyan ediblər.

 

Müəllif: Nigar