Fransa BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyini (UNRWA) maliyyələşdirməyi müvəqqəti dayandırıb.

Oxu24.com  xəbər  verir  ki, bu barədə məlumat ölkənin Xarici İşlər Nazirliyinin saytında dərc olunub.

Qeyd olunur ki, bu qərar təşkilatın əməkdaşlarının radikal HƏMAS qruplaşmasının oktyabrın 7-də İsrail şəhərlərinə hücumunda iştirak etməsi ilə bağlı xəbərlər fonunda verilib.

Bundan əvvəl İsrailin xarici işlər naziri UNRWA-nı Fələstinin Həmas hərəkatı ilə əməkdaşlıq edən departament adlandırmışdı.

O, həmçinin bildirib ki, İsrail bir sıra Qərb ölkələrinin agentliyin maliyyələşdirilməsini dayandırmaq barədə qərarlarını alqışlayır və təşkilatın Qəzza zolağında fəaliyyətini tamamilə dayandırmağa sadiqdir.

Bu günə qədər Böyük Britaniya UNRWA-ya vəsait ayırmağı dayandırıb və Almaniya bunu etmək niyyətində olduğunu açıqlayıb.

Bundan əvvəl BMT UNRWA-ya qarşı HƏMAS ilə əlaqədə ittihamları şərh edib.

Müəllif:Afət