İsveçdəki bir çox qeyri-hökumət təşkilatının çağırışı ilə Stokholmun Odenplan bölgəsində toplanan təxminən 15 min nümayişçi İsraildən Qəzzada törətdiyi hərbi cinayəti dayandırmasını tələb edib.

Oxu24.com xəbər  verir  ki, Nümayişçilər əllərində "Qəzzada uşaqlar öldürülür", "Soyqırımı dayandırın", "Fələstin əbədi" yazılan pankartlar və Qəzzada öldürülən uşaqları təmsil edən modellər qaldırıblar.

“Fələstinə azadlıq”, “Soyqırım İsrail” və “İsraili boykot” kimi şüarlar səsləndirən nümayişçilər daha sonra İsveç Xarici İşlər Nazirliyinə doğru yürüş ediblər.

İsveçdə minlərlə insan Fələstin uğrunda yürüş keçirib

Etirazçılar ABŞ və İsveçin İsraili dəstəkləməsinə reaksiya göstərərək, iki ölkənin İsrailin törətdiyi hərbi cinayətlərdə şərik olduqlarını iddia ediblər.

Nümayişçilər həmçinin İsveçin xarici işlər naziri Tobias Billström-ü İsraili dəstəklədiyi üçün istefaya çağırıblar.

Müəllif:Afət