Fələstinin xarici işlər naziri Riyad əl-Maliki Beynəlxalq Ədalət Məhkəməsinin Qəzza zolağında soyqırımın qarşısını almaq üçün İsrailin bütün lazımi tədbirləri görməli olduğu qərarını alqışlayıb.

Oxu24.com xəbər  verir  ki,bu barədə “Əl-Cəzirə” telekanalı Fələstin xarici işlər nazirinə istinadən məlumat yayıb.

“Fələstinin xarici işlər naziri Riyad əl-Maliki Beynəlxalq Məhkəmənin (İsrailin - redaktorun qeydi) verdiyi tədbirləri alqışlayıb və bildirib ki, məhkəmə hakimləri insanlıq və beynəlxalq hüququn lehinə qərar veriblər”, - telekanal bildirib.

Bundan əvvəl Beynəlxalq Ədalət Məhkəməsi İsrail ordusunun Qəzza zolağında keçirdiyi əməliyyatlar çərçivəsində soyqırımın qarşısını almaq üçün bütün tədbirləri görməlidir.

Fələstinin Həmas qruplaşması Beynəlxalq Ədalət Məhkəməsinin belə bir qərar verəcəyi və İsrailin buna əməl edəcəyi təqdirdə atəşkəsə əməl edəcəklərini bildirib. Həmçinin Fələstin qrupunun fələstinlilərin əvəzində israilli məhbusları azad edəcəyi qeyd edilib.

Beynəlxalq Ədalət Məhkəməsi Qəzza zolağındakı vəziyyətlə bağlı soyqırım konvensiyasına əsasən Cənubi Afrikanın İsrailə qarşı iddiasına baxırdı. Pretoriya Qərbi Qüdsdən anklavda quru əməliyyatını dərhal dayandırmağa məcbur edilməsini tələb edir. İsrail bütün soyqırım ittihamlarını rədd edərək, fələstinliləri məhv etmədiyini, əksinə öz xalqını qoruduğunu qeyd edir. Eyni zamanda, ölkənin BMT-dəki daimi nümayəndəsi Gilad Erdan hesab edir ki, ilk növbədə HƏMAS-a “göz yuman” və əlbir olan təşkilatın özü mühakimə olunmalıdır.

Bundan əvvəl Fransa İsrailin Qəzzadakı hərəkətlərinə görə Cənubi Afrikanın BMT məhkəməsinə verdiyi iddianı tənqid edib.

Müəllif:Afət