Britaniya parlamentinin İcmalar Palatasının (aşağı palata) deputatları Ruandaya qanunsuz miqrantların qovulmasına dair qanun layihəsini üçüncü oxunuşda təsdiqləyiblər.

Oxu24.com  xəbər  verir ki,bu barədə BBC məlumat yayıb.

Qanun layihəsinin lehinə 320, əleyhinə 276 deputat səs verib.İndi sənəd Lordlar Palatasına (parlamentin yuxarı palatası) gedəcək, orada təşəbbüsə düzəlişlər təklif oluna bilər.

Böyük Britaniyanın baş naziri Rishi Sunakın ofisi qəbul edilmiş sənədi “qeyri-qanuni miqrasiya ilə mübarizə üçün krallığın parlamentində indiyə qədər nəzərdən keçirilən ən sərt qanun” adlandırıb. Onlar ümid etdiklərini bildiriblər ki, bu qanun insanları Britaniya ilə Fransa arasında La-Manş boğazından təhlükəli keçidlərdən çəkindirəcək.

2022-ci ilin yazında Britaniya hökuməti Ruanda ilə qeyri-qanuni mühacirlərin göndərilməsi ilə bağlı müqavilə bağladı, Afrika ölkəsi 140 milyon funt sterlinq (178 milyon dollar) məbləğində təzminat aldı, lakin insanlar heç vaxt oraya göndərilməyib.

Krallıq hökumətinin məlumatına görə, 2022-ci ildə Böyük Britaniyaya La-Manş boğazı vasitəsilə rekord sayda 45,7 min miqrant gəlib. Bu, 2021-ci illə müqayisədə 60% artım deməkdir.

Əvvəllər məlum olub ki, Britaniyadakı ukraynalı qaçqınlar niyə evlərinə qayıtmağa məcburdurlar.
​

Müəllif:Nigar