Sərxoş sürücü 10 nəfəri vurdu - VİDEO

Rusiyada baş vermiş dəhşətli qəzanın anbaan videosu yayılıb.

Oxu24.com xəbər verir  ki,internetdə Toyota markalı sərxoş ehtiyatsız sürücünün Kaluqa şəhərinin mərkəzində səkiyə necə çıxdığını və izdihamı necə vurduğunu əks etdirən video yayılıb.

Kadrlarda avtomobilin yoldan necə uçduğu, piyadaları yıxdığı və daha sonra binaya çırpıldığı görünür.

Regionun qubernatoru Vladislav Şapşa öz teleqram kanalında yazıb ki, dəhşətli qəza nəticəsində ikisi uşaq olmaqla 10 nəfər xəsarət alıb.

"Bir nəfərin vəziyyəti ağırdır. Qalanlarının vəziyyəti orta-ağırdır. Zərərçəkənlərdən ikisi rayon uşaq xəstəxanasına, dördü isə rayon klinik xəstəxanasına göndərilib".

Rayon rəhbəri onu da əlavə edib ki, daha 4 nəfər yerində müayinə olunub, onlar xəstəxanaya yerləşdirilməkdən imtina ediblər.

 

 

 

Müəllif: Nigar