İş yerində fərdi məlumatlarınızı necə qoruya bilərsiniz?

Elektron Təhlükəsizlik Xidməti iş yerində fərdi məlumatları qorumaq üçün bəzi məqamlara xüsusi diqqət yetirməyi tövsiyə edib.

  OXU24.COM xəbər verir ki, məlumatda deyilir:

1) İş masanızdan ayrılarkən cihazlarınızın ekranını klidləyin;

2) Ehtiyacınız olmayan və fərdi məlumat ehtiva edən kağız sənədləri məhv edərkən onları oxunmayacaq şəkildə kiçik hissələrə ayırın;

3) E-poçt və ya faylları açarkən diqqətli olun. Şübhəli hal olduqda bu barədə qurumun müvafiq şöbəsinə məlumat verin;

4) Yalnız öncədən müəyyən edilmiş məqsəd üçün zəruri olan fərdi məlumatları toplayın;

5) Topladığınız və işlədiyiniz fərdi məlumatları mütəmadi olaraq yeniləyin;

6) Fərdi məlumatlarla bağlı hər hansı insident və ya hüquq pozuntusu baş verdikdə bu barədə rəhbərinizə məlumat verin;

7) İş zamanı istifadə etdiyiniz cihazları etibarlı şifrə ilə qoruyun.