Çimərlikdə ər arvadını və onun tanışını bıçaqlamaqda şübhəli bilinir.

OXU24.COM  Xəzər TV-yə istinadən bildirir ki, hadisə Abşeron rayonu, Novxanı qəsəbəsində, dəniz sahilində qeydə alınıb.

1993-cü il təvəllüdlü Ramilə Abdulrəhimova çimərlikdə ailə-məişət zəminində mübahisə zamanı həyat yoldaşı tərəfindən bıçaqlanıb. Daha sonra ər arvadının tanışına da bıçaqla xəsarət yetirib.

Yaralılar ağır vəziyyətdə xəstəxanaya yerləşdirilib.

Abşeron rayonunda başqa bir bıcaqlanma hadisəsi də olub

Hadisə Mehdiabad qəsəbəsində qeydə alınıb. 1985-ci il təvəllüdlü Əliyev Rəhim Elmar oğlu tanışı ilə dava zamanı bıçaqlanıb. Ona ümumilikdə 6 bıçaq zərbəsi vurulub. Yaralı ağır vəziyyətdə Kliniki Tibbi Mərkəzə yerləşdirilib.

Hər 2 faktla bağlı araşdırma aparılır.

Mövzu ilə bağlı daha ətraflı videomaterialı təqdim edirik: