İsmayıllıda selə görə yaranmış son vəziyyət necədir? - AÇIQLAMA - VİDEO

Hazırda İsmayıllıda selə görə yaranmış vəziyyət stabilləşib.

Bunu Trend-ə açıqlamasında İsmayıllı Rayon İcra Hakimiyyəti başçısının birinci müavini Mahmud Süleymanov deyib.

OXU24.COM  bildirib ki, dünən yağan dolu və yağış əsasən rayonun Lahıc, Cülyan və Talıstan kəndlərinə ziyan vurub.

"Güclü yağıntı nəticəsində Talıstan və Cülyan çaylarında selə səbəb olub. Cülyan çayından keçən sel vətəndaşın avtomobilin aparıb, taxıl sahələrinə ziyan dəyib. Bəzi evlərin zirzəmiləri və həyətyanı sahələrinə su dolub. Lakin ciddi fəsad törətməyib. Bu faktlar əsasən Lahıc qəsəbəsində qeydə alınıb."
 

M.Süleymanov qeyd edib ki, hazırda dəymiş ziyan müəyyən olunur.

"İcra hakimiyyəti öz üzərinə düşən vəzfələri yerinə yetirir. Belə ki, əraziyə texnika cəlb olunub. Axşam Lahıc qəsəbəsində yollar bağlanmışdı.Hazırda yollar birtərəfli də olsa açılıb. Ancaq işlər hələ də davam edir. Sel fəlakəti nəticəsində ölən yoxdur. Talıstan və Cülyan çayı istiqamətində meşəyə gedən insanlar dünən axşam saatlarında təxliyə olunub", - deyə o qeyd edib.