Angina ağız boşluğunun infeksiyalaşmasına səbəb olan xəstəlikdir. Bu xəstəliyə ən çox dondurma sevənlər və soyuq su içənlər rastlaşır. Qəbul olunan soyuq məhlul orqanizmin mühitini soyuqlaşdırır bu zaman immunitet aşağı düşür və infeksiya inkişafı üçün ideal mühit yaranır. Nəticədə, angina baş verir və adəti üzrə boğazda ağrı, yüksək hərarət, ümumi zəiflik artır. Bu infeksiyaya yoluxma halına bütün yaş qruplarında rast gəlmək olar, heç kim bu infeksiyaya yoluxmadan sığortalanmayıb.
Bir neçə onillik bundan əvvəl insanlar angina ilə əsasən payız, qış və ya yazın əvvəlində xəstələnirdilər. İndi həkimlər daha tez-tez onu yay xəstəliyi adlandırırlar.
Xəstəlik yüngül olarsa, xalq üsullarından istifadə edərək angina ilə mübarizə aparmaq olar. Bu vəziyyətdə, ətrafdakı insanları infeksiyadan qoruya bilmək üçün, xəstəni ayrı otağa keçirtmək, istifadə olunan əşyalarını ayırmaq lazımdır.
Ağır hallarda isə, elə ilk günlərdən temperatur 39 dərəcəyə qədər yüksələ bilər. Boğazda ağrılar artır, səs zəifləyir. Udarkən ağrı o qədər güclü ola bilər ki, xəstə yeməkdən imtina edir və yata bilmir. Anginanın ağır vəziyyətlərində xəstə çaşqınlıq hiss edə bilər. Boğazdakı limfa düyünləri şişir və böyüyür.
Angina zamanı həkimlərin məsləhət gördükləri - ağız boşluğunun müxtəlif məhlullarla qarqarasıdır. Bu zaman antiseptik ve antibakterial qarqaralar olduqca təsirli sayılır.
ŞƏRHLƏR