Uşaqlar arasında yayılan xəstəliklə bağlı XƏBƏRDARLIQ - VİDEO

Son 20 il ərzində uşaqlar arasında ən çox artan xəstəlik bronxial astmadır.

OXU24.COM  xəbər verir ki, bronxial astma tənəffüs yollarının xroniki iltihabı xəstəliyidir.

Simptomlarına, əsasən, boğulmalar, təngnəfəslik, döş qəfəsində sıxıntılar, məsafədən eşidilən fitli xırıltılar, tək-tək quru öskürək aiddir.

Respublika Klinik Xəstəxanasının Allerqologiya şöbəsinin müdiri Reyhan Paşayeva "Xəbər Ertəsi"nə bildirir ki, dünya əhalisinin 10 %-ə qədəri bronxial astmadan əziyyət çəkir. Son illər isə ən çox uşaqlarda bu xəstəliyə rast gəlinir.

"Xəstəlik yaz və payız aylarında kəskinləşir."

Rütubətli ərazilərdə bronxial astma daha geniş yayılır.  Xəstəlikdən qorunmaq üçün qəbul olunan qidalara da diqqət edilməlidir.

 

Reyhan Paşayeva həmçinin bildirir ki, bronxial astmadan əziyyet çəkənlər özlərini arı sancmalarıdan xüsusilə qorumalıdır.

Mövzu ilə bağlı daha ətraflı videomaterialı təqdim edirik: