Şamaxıda yol qəzası olub, 5 nəfər xəsarət alıb

Şamaxıda beş nəfərin xəsarət alması ilə nəticələnən yol-nəqliyyat hadisəsi baş verib. "Report”un Yuxarı Şirvan bürosu xəbər verir ki, hadisə rayonun Göylər kəndi ərazisindən keçən hissəsində qeydə alınıb. Hadisə zamanı "Mercedes" və "VAZ-2107" markalı avtomobillər toqquşub. Nəticədə Bağırlı kənd sakini, 1960-cı il təvəllüdlü Alıyev Famil Cümşüd oğlu, Çaylı kənd sakini, 1961-ci il təvəllüdlü Baxışova Xoşqədəm Abbas qızı və Dağ Bağırlı kənd sakini, 1969-cu il təvəllüdlü Qəfərov Şəfaət Qəfər oğlu və daha iki nəfər yaralanıb. Yaralılar Şamaxı Rayon Mərkəzi Xəstəxanasına yerləşdirilib. Fakt araşdırılır.