Alimlər kişilərin mimikalarla müqayisədə emojilərdə göstərilən emosiyaları daha yaxşı başa düşdüklərini müəyyən edib.  

OXU24.COM lent.az-a istinadən bildirir ki, araşdırmanın nəticələri "Behavioral Science" jurnalında dərc olunub.

Tədqiqatda 96 kişi iştirak edib. Onlar iki saniyədən çox olmamaqla fərqli üz ifadələrinə və qadın şəkillərinə baxıblar. İştirakçılar şəkildəki insanların hansı hissləri ifadə etdiyini təsvir etməli idilər. 

Sonra onlara emojilər təqdim olunub və eyni təcrübə təkrarlanıb. Məlum olub ki, kişilər emojilərə mimikalardan daha yaxşı qiymət verirlər. Xüsusən də söhbət qəzəb, kədər və ya ikrah kimi mənfi hisslərdə bu özünü daha yaxşı büruzə verir. 

Qadınlar isə əksinə üz ifadələrinə daha yaxşı reaksiya veriblər. 

Alimlər məsələ ilə bağlı deyib: 

"Bu nəticələri rəqəmsal fotoların qeyri-müəyyən olması ilə izah etmək olar. Ancaq qadınların emosional intellektinin kişilərlə müqayisədə daha yaxşı inkişaf etdiyini etiraf etməliyik. Bu da qadınların emosiyaları daha düzgün müəyyən etməyə kömək edir".