Öskürək, nəfəs darlığı, hırıltı, döş qəfəsində təzyiq hissi ilə özünü göstərən astma digər xəstəliklərlə qarışdırıla bilər. Astma xəstəliyinin diaqnoz və müalicə prosesləri ilə bağlı məlumatlar kifayət qədər bilinmir.

OXU24.COM  lent.az-a istinadən xəbər verir ki, astma xroniki bir xəstəlik olduğu üçün uzun müddətli dərmanlara ehtiyac var. 

1. Siqareti tərgitmək çox vacibdir

Hamiləlik dövründə siqaret çəkmək uşaqda astma riskini artıran faktordur. Hətta astma xəstələrinin passiv siqaret çəkməsi də astmanın pisləşməsinə və xəstəxanaya yerləşdirilməsinə səbəb ola bilər. Lakin siqaret dayandırıldıqda ağciyər funksiyaları yaxşılaşır və tənəffüs yollarında iltihab azalır. 

2. Xroniki bir xəstəlikdir

Astma tənəffüs yollarında xroniki iltihabla irəliləyir. Öskürək, nəfəs darlığı, döş qəfəsində təzyiq hissi və hırıltı əsas simptomlardır. Astmanın şiddəti xüsusilə allergenlərə məruz qalma, mövsümi dəyişikliklər, havanın çirklənməsi və ya virus iltihabı ilə arta bilər. Şikayətlər özbaşına və ya dərmanlarla yox ola bilər. 

3. Öz-özünə sağalmaz

Heç bir şikayət olmasa belə tənəffüs yollarının iltihabı davam edir. Bəzi xəstələrdə astma ilə bağlı şikayətlər tamamilə yox ola bilər. Amma bu, astmanın öz-özünə tam sağalması demək deyil.

4. Başqa xəstəliklərlə qarışdırıla bilər
Ətraflı

Bir çox xəstəliyin oxşar simptomları ola bilər. Onları bir-birindən ayırd etmək üçün tənəffüs testlərindən istifadə edilir.

5. Müalicə üçün istifadə edilən dərmanlar asılılıq yaratmır

Astma xroniki xəstəlik olduğundan, uzun müddətli dərmanlara ehtiyac var. Bu, asılılıq deyil, əksinə, xəstənin şikayətlərinə nəzarət etmək üçün bir müalicə növüdür. Astma şikayətləri tamamilə nəzarət altına alındıqda, bəzi hallarda həkimin tövsiyəsi ilə yalnız lazım olduqda dərman istifadə edilə bilər. Bu, dərmanların asılılıq yaratmadığının göstəricisidir.

6. Dərmanlardan düzgün istifadə edilməlidir

Dərmanlardan düzgün istifadə edilmədikdə, qəbul edilən dərman ağciyərlərə kifayət qədər və ya hər hansı şəkildə çatmır. Xəstənin sağlamlıq vəziyyətinin pis olduğunu nəzərə alsaq, xəstəyə başqa bir dərman müalicəsi əlavə edilə bilər. 

7. Allergiya hər astma xəstəsində inkişaf etmir

Astmanın bir çox növləri var. Allergik astma tipi tez-tez uşaqlıqda diaqnozu qoyulmuş, şəxsi və ya ailə tarixçəsində ekzema, allergik rinoreya, qida və ya dərman allergiyası kimi xəstəlikləri olan insanlarda görülür. 

8. Hər astma xəstəsinin allergiya testinə ehtiyacı yoxdur

Astma diaqnozunda allergiya testlərinə ehtiyac olmur. Bunun səbəbi, allergiyanın xəstədə şikayətlərə səbəb ola biləcəyinin dəqiq olmamasıdır.