Ağ Evin sözçüsü Con Kirbi Çin sədri Si Cinpinin Moskvaya səfərini dəyərləndirib.

OXU24.COM  bildirir ki, o, mətbuat konfransındakı çıxışı zamanı Çinin neytral mövqedə görünmədiyini vurğulayıb.

“Çinə heç bir şəkildə neytral baxa biləcəyimizi düşünmürəm. Onlar bu işğalı qınamadılar. Lakin Rusiya nefti və enerjisini almağa davam edirlər. Si Cinpin Moskvaya qədər getməyi uyğun bildi, amma Zelenski ilə bir dəfə də olsun danışmadı, Ukraynaya səfər etmədi”, - Kirbi əlavə edib.

Ağ Ev sözçüsü Çin sədrinin Putini dəstəklədiyini bildirib:

“Cinpin rejimi Qərbin Rusiyaya qarşı müharibə aparması, bunun Putin üçün bir növ təhlükə olması barədə rus təbliğatını təkrarlayır. Bu, sadəcə cəfəngiyatdır. Ukrayna nəinki Rusiya, heç kimə təhlükə yaratmadı. Prezident Putin Çin liderini potensial dayaq kimi görür. Putin beynəlxalq arenada çoxlu dostu olmayan bir adamdır və onun etməyə çalışdığı iş üçün prezident Si Cinpinin dəstəyinə həqiqətən ehtiyacı var”.