Braziliyada həftə sonu axşam saatlarında dostları ilə əylənmək üçün bara gedən 37 yaşlı uşaq anası telefonla yüksək səslə danışan şəxsə xəbərdarlıq edib.

Musavat.com xəbər verir ki, sərxoş olduğu iddia edilən şəxs ona xəbərdarlıq edən qadını gözünü qırpmadan sinəsindən bıçaqlayaraq öldürüb.

Qanlar içində yerə yıxılan qadın xəstəxanaya çatdırılıb. Xəstəxanada iki gündür həyat mübarizəsi aparan qadın bütün müdaxilələrə baxmayaraq dünyasını dəyişib.

Dünyasını dəyişən qadının 20 yaşlı qızı anasının onu çox çətin şəraitdə böyütdüyünü, ona daim oxumağı, həkim olmağı tövsiyə etdiyini deyib.

İşin istintaqı davam etdirilir.