Putinə şikayətçi düşmüşdünüz,.. bu da cəzası...

Hücum bölmələrindən müdafiəyə keçmək xahişi ilə Rusiya prezidentinə üç dəfə müraciət edən İrkutsk səfərbərliyi Donetsk vilayətinin Avdiivka şəhəri yaxınlığında hücuma göndərilib.

SİA-nın əldə etdiyi məlumata görə, bu barədə rus saytları “Baykal xalqı” nəşrinə istinadən xəbər verirlər.

Deməli, fevralın əvvəlində və sonunda 1439-cu alaydan səfərbər olunanlar Rusiya hakimiyyətinə və Vladimir Putinə müraciət etdikləri videoları lentə alıblar. Hərbçilərin sözlərinə görə, onlar qeyri-qanuni olaraq onlardan hücum dəstələri yaradan və onları “qırğına” göndərən “DXR” adlanan qurumun komandanlığına verilib.

Üçüncü müraciət isə səfərbər olanın həyat yoldaşının Baş Hərbi Prokurorluğunun onlayn qəbuluna ötürülüb.

Fevralın 26-da, hərbçilərin ikinci videogörüntüsünün ortaya çıxmasından bir gün sonra İrkutsk vilayətinin qubernatoru İqor Kobzev hərbi prokurorluqdan izahat tələb etdiyini və yaxın günlərdə səfərbər olunanların köçürüləcəyinə söz vermişdi.

Qeyd edək ki, ötən gün analoji videomüraciət Tümen vilayətindən səfərbər olunmuş hərbi prokurorluğa və Rusiya Müdafiə Nazirliyinə göndərilib. Onlar da tümenlilərin cəbhə xəttinə hazırlıqsız göndərildiklərindən şikayətlənirdilər.

Səfərbər edilmiş ruslar dəfələrlə pis xidmət şəraitindən, sursat çatışmazlığından və komandanlığın zorakılığından şikayətlənirlər. Onlardan bəziləri hətta Ukraynada döyüşləri davam etdirməkdən ibelə mtina ediblər.

Budur, Putinə müraciət yazan səfərbərlərin hücuma göndərildikləri barədə xəbərlər yayılmaqdadır.