Rusiya müharibəyə 114,4 milyard dollar (ayda təxminən 10 milyard dollar) xərcləyib və bu, 2021-ci il üçün Rusiya büdcəsinin bütün gəlirlərinin üçdə birinə bərabərdir.

“Forbes” xəbər verir ki, pulun böyük hissəsi ordunun təminatına xərclənib - ildə 36 milyard dollar. Digər 24,7 milyard dollar maaşlara, 29,1 milyard dollar isə yaralılara və ölənlərin ailələrinə kompensasiyaya yönəldilib.

Eyni zamanda, Rusiya üçün canlı qüvvə itkisi fəlakətli həddə çatıb. Baş Qərargahın məlumatına görə, 2023-cü il yanvarın 24-dən fevralın 24-dək Ukrayna Silahlı Qüvvələri 23 min 680 rus əsgərini məhv edib. Bu, ötən ilin yayında Rusiya Federasiyasının orta itkilərindən dörd dəfə çoxdur. 

Bundan əlavə, Rusiya Avropanın ən böyük zirehli hərbi birləşməsini - Birinci Tank Ordusunu itirib. Ümumilikdə müharibə başlayandan bəri 3 min 350 rus tankı məhv edilib. Həmçinin, işğalçı ölkə Ukraynada quru hərbi texnikasının təxminən 40-70%-ni itirib. 

Rusiyanın müharibə başlayandan bəri itirdiyi təyyarələrin ümumi dəyəri artıq təxminən 6,5 milyard dollardır. Məhv edilmiş helikopterlər 3 milyard dollara başa gəlib.