Danıştay-a (Türkiyənin inzibati məhkəmə orqanı) hücumu təşkil edən vəkil Alparslan Arslan Maltepe Həbsxanasında saxlanıldığı kamerada ölü tapılıb.

OXU24.COM  milliyet-ə istinadən xəbər verir ki, Arslanın özünü zibil torbası ilə asaraq intihar etdiyi məlum olub. 

Keçmiş vəkilin ölümünün dəqiq səbəbi Ədliyyə Tibb Qurumunda aparılan müayinələrdən sonra müəyyənləşəcək.

Qeyd edək ki, 17 may 2006-cı ildə Alparslan Arslan vəkillik vəsiqəsini göstərərək üzəri yoxlanılmadan girdiyi Danıştay binasında iclasda olan 5 nəfərlik 2-ci Palata komitəsinə hücum edib. Hücum zamanı hakim Mustafa Yücel Özbilgin həyatını itirib, 4 şəxs yaralanmışdı.