"Bır qız zəng edib, orqanlarını bacıma vermək istədiyini dedi" - VİDEO

"Qardaşım və bacım atamın yadigarıdır. Onlar mənə övladlarımdan artıq olub, daha çox istəmişəm. Onları qorumağa çalışmışam".

OXU24.COM  bildirir ki, bu sözləri ötən axşam müğənni bacısı Zeynəb Dostəliyevanı itirən Xalq artisti Nazpəri Dostəliyeva bizim.media-nın əməkdaşı ilə söhbətində deyib.

Hər zaman ailə üzvlərinə dəstək olduğunu söyləyən sənətçi bildirib ki, bundan sonra da mərhum bacısının övladının və nəvələrinin yanında olacaq.

"Bacımın və qardaşımın imkanı olmayıb. Onları mən idarə etmişəm, yenə də edəcəm. Bacardığım qədər əlimdən gələni edəcəm. Təbii ki, Allahın köməyi ilə".

Nazpəri həmçinin bildirib ki, Sevinc adlı 28 yaşlı bir xanım ona zəng edərək, transplantasiya əməliyyatı üçün böyrəyini və qaraciyərini Zeynəb Dostəliyevaya verməyə hazır olduğunu söyləyib:

"Bütün orqanlarının tərtəmiz olduğunu dedi: "Ciyər lazımdırsa ciyərimi, böyrək lazımıdırsa böyrəyimi verim". Sevinc qızım, mən səni tanımıram. Xoşbəxt ol, balam. Sənin ürəyinə görə minnətdarlığımı bildirirəm".