İran səfiri jurnalistlərdən belə qaçdı - VİDEO

İranın Azərbaycandakı səfiri Seyid Abbas Musəvi İrandakı səfirliyimizə bu gün edilən silahlı hücumla bağlı jurnalistlərin suallarını cavablandırmaqdan yayınaraq, avtomobili ilə səfirlikdən sürətlə uzaqlaşıb.

Milli.Az bizim media-ya istinadla xəbər verir ki, həmin anların görüntüləri sosial şəbəkələrdə yayılıb.

Görüntülərdə səfirin avtomobilinin ərazidən sürətlə uzaqlaşdığı əks olunub.

Qeyd edək ki, Azərbaycan XİN baş verənlərlə bağlı rəsmi məlumat yayıb. Bildirilir ki, hücum edən şəxs "Kalaşnikov" markalı avtomat silahla mühafizə postunu yararaq, mühafizə xidmətinin rəisini qətlə yetirib.

Səfirliyin iki mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.

Hazırda bu xain hücum üzrə araşdırma gedir. Məsələnin təfərrüatı barədə ictimaiyyətə əlavə məlumat veriləcək.

Həmin görüntüləri təqdim edirik: