Şeyxdən İran haqda:“Gördük ki, bu qardaşın başqa qardaşı var”

“Mən Tehranla İrəvanın qardaş şəhər olmasına mənfi münasibət bəsləyirəm”.

Oxu24.com xəbər  verir  ki, Bu barədə jurnalistlərə Qafqaz Müsəlmanları İdarəsinin sədri, Şeyxülislam Hacı Allahşükür Paşazadə məlumat verib.

Şeyxin  sözlərinə görə, İran İslam tarixində böyük səhvə yol verir ki, bu da bağışlanmazdır.

“Mən bir şeyx kimi bütün dövlətlərlə normal münasibətlərin tərəfdarıyam. Ümid edirəm ki, İran öz səhvini başa düşəcək. İran Azərbaycana qarşı addım atmamalıdır”, - deyə Paşazadə bildirib.

Qafqazın Şeyxi   bildirib ki, Azərbaycanda İrana qardaş ölkə kimi yanaşılır: “Amma sonra gördük ki, bu qardaşın başqa qardaşı var”.

Qeyd edək ki, bir müddət əvvəl Ermənistan mətbuatı Tehran və İrəvanın qardaşlaşmış şəhərlər olduğunu yazmışdı. Müqaviləni Yerevan meri Hraçya Sarkisyan və Tehran meri Əlirza Zakani imzalayıb.

 

Miri Məcidli